AZ
RU
“Azərbaycan 8-9 mayda hücuma başlaya bilər”
“Dağlıq Qarabağın tanınması birmənalı olmayan nəticələrə gətirə bilər”.
Xeberinfo.com: Musavat.com-un məlumatına görə, bu barədə erməni diplomat Armen Navasardyan bildirib. Onun sözlərinə görə, bununla belə, hərbi əməliyyatların bərpası mümkünlüyünü tanınma ilə əlaqələndirmək olmaz.
Navasardyan beynəlxalq diplomatik praktikada tanınmamış qurumların tanınması nümunələrini yada salaraq deyib: “Bunlar Cənubi Osetiya, Abxaziya, Şimali Kiprdir. Ancaq onların tanınması ilə situasiya dəyişməyib”.
“Beynəlxalq güclərin reaksiyasını nəzərə alsaq, bu qənaətə gəlmək olar ki, Moskva tanınma prosesinə dəstək vermir, ABŞ susur, Türkiyə isə məsafə saxlayır. Azərbaycan hərbi əməliyyatlara başlaya bilər – o cümlədən də 8-9 mayda. Ancaq bu, Qarabağın tanınması ilə əlaqədar deyil” – erməni diplomat vurğulayıb.
“Dağlıq Qarabağı çoxdan tanımaq lazım idi. O zaman bu qədər qan yəqin ki, tökülməzdi. İndi isə bunu danışıqlar prosesinə daxil eləmək lazımdır ” – Navasardyan əlavə edib.
