15 iyul çevriliş cəhdinin ardından sosial şəbəkədə yazışmaları ortaya çıxan şoumen Atalay Dəmirçi Ankarada həbs edilib.

  Xeberinfo.com:   Türkiyə mətbuatına istinadən xəbərə görə, məşhur şoumen Atalay Dəmirçinin Twitter hesabı, “Ay-ulduz Team” adlı xaker qrupu tərəfindən ələ keçirilmişdi. Qrup, Dəmirçinin Twitterdəki xüsusi yazışmalarını nəşr edib. Xüsusi yazışmalar arasında məşhur şoumenin, keçmiş futbol ulduzu Hakan Şükür və ABŞ-da basketbol karyerasını davam etdirən Enes Kanter ilə olan yazışmaları ortaya çıxıb.

Türkiyədə 15 iyul çevriliş cəhdinin ardından yazışmaları ortaya çıxan Atalay Dəmirçinin Ankarada həbs edildiyi bildirilib.

Şoumen isə verdiyi açıqlamada: “FETÖ ilə heç bir əlaqəm yoxdur. Bütün bunlar xakerlər tərəfindən həyata keçirilən oyundur”, deyə məşhur şoumen özünü müdafiə edib.

Xatırladaq ki, Hakan Şükür çevriliş cəhdindən əvvəl ABŞ- köçüb. Onun Fətullah Gülənin ən yaxın adamlarından biri olduğu deyilir. Enes Kanter isə Türkiyədə baş verən çevriliş cəhdindən sonra sosial şəbəkədə Fətullah Gülənə açıq-aşkar dəstək verməkdən çəkinməyib.