AZ
RU
Orxan Zeynalova hökm oxundu
Moskva sakini Yeqor Şerbakovu qətlə yetirməkdə şübhəli bilinərək həbs olunan Azərbaycan vətəndaşı Orxan Zeynalovun məhkəməsi baş tutub.
"Xeberinfo.com": Məlumata görə, bu gün Moskva şəhər məhkəməsi Yeqor Şerbakovun qətlində Azərbaycan vətəndaşı Orxan Zeynalovu günahkar hesab edərək onu ciddi rejimin koloniyasında 17 il müddətinə məhkum edib. Bundan əlavə olaraq hakim Nikolay Tkaçuk vəfat etmişin atasına zərər çəkmi vətəndaş iddiası ilə üç milyon rubl kompensasiya ödənilməsini tələb edib.
Qeyd edək ki, O.Zeynalov bir necə gün öncə məhkəmədə ifadəsində Yeqor Şerbakovu qətlə yetirmədiyini söyləyib: "Hadisə baş verən gün Moskvada olmamışam. Həmin gün yaşadığım Kolomno şəhərində idim". İlkin istintaqa verdiyi ifadəsini təkzib edən Orxan saxlanılan zaman hüquq-mühafizə orqanları tərəfindən vəhşicəsinə döyülüb ona görə də yanlış ifadə verdiyini deyib.
