AZ
RU
Bakıda şokolad şirkətinin əməkdaşına silahlı hücum olub.
Yenixeber.org: Xətai rayon sakini, "Nan" şokolad şirkətində ekspeditor işləyən 1987-ci il təvəllüdlü Salahov Vaqif Azər oğlu polisə müraciət edərək bildirib ki, noyabrın 4-də gecə saatlarında Xətai rayonu, Zeytun bağları küçəsi 2/1 saylı ünvanda naməlum şəxslər ona hücum edib. Belə ki, 4 nəfər şəxs ona məxsus olan "Lada Priora" markalı 02 BM 692 dövlət nömrə nişanlı avtomobili saxladıb və sürücünü zorla maşından düşürüb.
Həmin şəxslər ona soyuq silah hesab edilən bıçaqla xəsarət yetirərək 3572 manatı götürüb və hadisə yerindən uzaqlaşıb.
Faktla bağlı Xətai Rayon Polis İdarəsində cinayət işi başlanıb.
