AZ
RU
Qalmaqallı tutulmanın təfərrüatı:7 pasportu varmış
Dünyanın ən böyük texnologiya şirkətlərindən birinin - Çinin Huawei korporasiyasının maliyyə direktoru Men Vançjounun Kanadada saxlanmasının təfərrüatları bəlli olub.
Yenixeber.org: ABŞ-ın Ədliyyə Nazirliyinin yaydığı məlumata görə, M.Vançjounun 7 pasportu varmış. O, Şonkonqun 3, Çinin isə 4 pasportundan 11 il isifadə edib.
Men Vançjou ad və soyadını dəfələrlə dəyişərək bu pasportları alıb. Halbuki Çində və Honkonqda bir adamın bir neçə pasport gəzdirməsi qəti qadağandır.
Vançjou 2014-2017-ci illərdə Honkonq pasportu ilə ABŞ və Kanadada 33 dəfə olub.
Huawei-in maliyyə direktorunun yeni pasportlar alarkən əvvəlki pasportlarının ləğv edilib-edilmədiyi məlum deyil. ABŞ-ın Ədliyyə Nazirliyi bəyan edib ki, Vanju üçüncü pasportunu alanda ikinci pasportu ləğv olunmayıb.
Saxtakarlıqda, ABŞ-ın İrana qarşı tətbiq etdiyi sanksiyalardan yayınmaqda suçlanan M.Vançjounu 30 ilədək həbs gözləyir.
M.Vançjou bütün ittihamları rədd edib.
