“Hökumət ölkəni yoxsulluq həddinə çatdırıb”.
Gürcüstanın keçmiş prezidenti Mixail Saakaşvili bildirib ki, seçki yolu ilə hakimiyyətə gəlmək üçün Gürcüstana qayıtmağa hazırdır. Bu barədə siyasətçi “Rustavi-2” telekanalına müsahibəsində deyib.

"Xeberinfo.com":  Məlumata görə,  Oxu.az Gürcüstan KİV-nə istinadən xəbər verir ki, onun sözlərinə görə, Gürcüstan hökuməti ölkəni yoxsulluq həddinə çatdırıb.
“Keçmiş baş nazir İvanişvili hesab edib ki, Gürcüstan elə bir mövqe tutmalıdır ki, onun barəsində unutsunlar. Ölkə Ukraynanı dəstəkləməməli, Abxaziya və Tsxinvali barədə danışmamalıdır”, – Saakaşvili deyib.
Xatırladaq ki, öncə Gürcüstanın Baş Prokurorluğu Kiyevə müraciət edərək eks-prezidentin ölkəyə ekstradisiya edilməsini xahiş edib. Saakaşviliyə qarşı Gürcüstanda ittihamlar irəli sürülüb, onu ölkədaxili axtarışa veriblər.
Kiyev bu məsələdə Tbilisi ilə əməkdaşlıq etməkdən imtina edir. Bundan başqa, bu yaxınlarda Ukrayna prezidenti Pyotr Poroşenko Saakaşvilini müşaviri təyin edib.