AZ
RU
Gürcüstan prezidenti Kiyevdə Saakaşvili ilə görüşüb
“Gürcüstanın hazırkı prezidenti Georgi Marqvelaşvili Kiyevdə səfərdə olarkən sabiq prezident Mixail Saakaşvili ilə görüşüb”.
"Xeberinfo.com": APA-nın Gürcüstanın “Alia” nəşrinə istinadən verdiyi məlumata görə, bunu “Vəkillər və hüquqşünaslar Beynəlxalq Observatoriyası” adlı qeyri-hökumət təşkilatının rəhbəri Qriqori Qaqnidze deyib.
Görüşün bir neçə dəqiqə davam etdiyini deyən Q. Qaqnidze hazırkı prezidentin sabıq prezidentlə hansı məsələləri müzakirə etdiyini bilmədiyini söyləyib: “Görüş təntənəli mərasim zamanı baş tutub. Bunu mənə daim Saakaşvilinin yanında olan ukraynalı jurnalist deyib”.
Q. Qaqnidze ehtimal edib ki, qısamüddətli görüş zamanı Marqvelaşvili sabiq prezidentə “Gürcü koalisiyası” ilə mübarizəni davam etdirəcəyini bildirib.
Marqvelaşvili-Saakaşvili görüşünün Gürcüstanda böyük ajiotaja səbəb olacağı gözlənilir.
