AZ
RU
I Avropa Oyunlarının X günündə 25 dəst medal oynanılacaq
Bakı-2015 I Avropa Oyunlarının X günündə 13 idman növü üzrə yarışlar keçiriləcək
"Xeberinfo.com": Məlumata görə, bu gün 25 dəst medal oynanılacaq.
Bu da yarışların arxada qalan hissəsi üçün rekord göstəricidir. Ümumilikdə isə yalnız iyunun 27-də daha çox – 27 medal dəsti uğrunda mübarizə gedəcək. Bu gün sahibləri müəyyənləşəcək 25 medal dəsti 10 növə təsadüf edəcək. Qalibləri bəlli olacaq növlərdən 8-də yarışlara yekun vurulacaq.
Milli Gimnastika Arenasında 4 növ üzrə yarışlar yekunlaşacaq. Bu idman qurğusundakı son gündə aerobikada 2, akrobatikada 4, bədii gimnastikada 4, batut gimnastikasında 6 dəst medal uğrunda mübarizə yaşanacaq.
Komanda idman növləri – su polosu, çimərlik voleybolu, həmçinin velosiped şossesində sonuncu mükafatçılar bəlli olacaq. Suyatullanmada isə son 2 növ üzrə mükafatçılar bəlli olacaq.
Hələ davam edəcək kamandan oxatmada 1, atıcılıqda 3 dəst medal oynanılacaq. Boks və voleybol yarışlarında isə növbəti qarşılaşmalar baş tutacaq.
Apasport.az
