AZ
RU
Kristian Eriksen "Tottenhem"ə qayıda bilər
Danimarka millisinin futbolçusu Kristian Eriksen yenidən İngiltərə "Tottenhem"ində çıxış edə bilər.
Yenixeber.org: Məlumata görə, bu barədə London klubunun baş məşqçisi Antonio Konte "Standard" nəşrinə açıqlama verib.
O bildirib ki, 30 yaşlı yarımmüdafiəçini yenidən komandasında görmək istəyər: "Eriksen, həm əla futbolçu, həm də yaxşı insandır. Yenidən futbol oynaya biləcəyinə sevindim. Düşünürəm ki, klubun qapısı hər zaman onun üzünə açıqdır".
Qeyd edək ki, Kristian Eriksen iyunun 12-də Finlandiyaya qarşı AVRO-2020-nin B qrupunun ilk tur matçında huşunu itirərək, yerə yıxılıb. 15 dəqiqə ərzində təcili yardım göstərildikdən sonra onu xəstəxanaya apararaq, vəziyyətini sabitləşdiriblər. Daha sonra əməliyyat olunan danimarkalı oyunçunun ürəyinə kardioverter-defibrillyator cihazı quraşdırılıb. Son klubu İtaliya "İnter"i olan Eriksen karyerasının ən yaxşı vaxtlarını 2013 - 2020-ci illərdə formasını geyindiyi "Tottenhem"də keçirib.(report)
.jpg)
