AZ
RU
UEFA “Qəbələ”ni cəzalandırdı
UEFA Azərbaycanın “Qəbələ” klubunu cəzalandırıb.
"Xeberinfo.com": “Azadlıq” radiosunun məlumatına görə, komanda Avropa Liqasının II təsnifat mərhələsində Serbiyanın “Çukariçki” klubunu öz meydanında qəbul edə bilməyəcək.
Avropa Liqasının I təsnifat mərhələsində Tbilisinin “Dinamo” klubu ilə Qəbələdə keçirilən oyunda Gürcüstan bayrağı yandırıldığından, qarşı tərəf şikayət verib.
Qurumun Nizam-İntizam Komitəsi isə iyulun 14-də “Qəbələ”ni cəzalandırıb.
“Qəbələ” Serbiyanın “Çukariçki” klubu ilə oyunu evdə yox, “Bakcell Arena”da keçirəcək.
Qeyd edək ki, FİFA Fair Play qaydalarına görə, oyunlarda siyasi, irqi, dini şüarlar səsləndirmək, plakatlar açmaq olmaz.
Amma Tbilisidə gürcülər də təxribata yol vermişdilər, Azərbaycan tərəfi şikayət etmədiyindən, onlar cəzalandırılmadı.
