AZ
RU
“Qarabağ” “Neftçi”ni məğlub etdi -1/2 final matçı
“Qarabağ” komandası futbol üzrə Azərbaycan Kubokunun ilk yarımfinal matçında “Neftçi”ni məğlub edib.
Yenixeber.org: Məlumata görə, Ağdam klubu rəqibini iki cavabsız qolla üstələyib.
“Neftçi”nin 80 illik yubileyi ilə bağlı təşkil edilən tədbirlərə təsadüf edən matçda Azərbaycan Kubokunun son qalibi olan “Qarabağ” ilk hissədə əcnəbi futbolçularının vurduğu qollarla qələbə qazanıb – 2:0. Qurban Qurbanovun rəhbərlik etdiyi komandanın heyətində Muarem Muaremlə Dino Ndlovu fərqləniblər.
Azərbaycan Kubokunun ilk yarımfinal matçında “Qəbələ” səfərdə “İnter”i 3:1 hesabı ilə üstələyib. Bu kollektivlər arasında cavab görüşləri aprelin 5-də keçiriləcək.
Azərbaycan Kuboku, ½ final, ilk oyun
30 mart (cümə axşamı)
“Neftçi” – “Qarabağ” 0:2
Qol: Muarem Muarem, 13. Dino Ndlovu, 29
Hakimlər: Əliyar Ağayev, Zeynal Zeynalov, Rza Məmmədov, Rəhim Həsənov
AFFA nümayəndəsi: Ramiz Mustafayev
Hakim-inspektor: Murad Məmmədov
“Bakcell Arena”
