AZ
RU
Dünya Güləş Birliyinin prezidenti Azərbaycan haqqında danışdı
"Azərbaycanda bir neçə dəfə olmuşam və yüksək səviyyədə təşkilatçılığa şahidlik etmişəm"
Yenixeber.org: Bunu ABŞ-ın Ayova şəhərində keçirilən sərbəst güləş üzrə Dünya Kuboku yarışlarında iştirak edən Dünya Güləş Birliyinin (DGB) prezidenti Nenad Laloviç Azərbaycan Güləş Federasiyasının saytına müsahibəsində deyib.
Ölkəmizin Dünya Güləş Birliyində böyük pay sahibi olduğunu söyləyən Nenad Laloviç Azərbaycanın güləş yarışlarını hər zaman yüksək təşkilatçılıqla həyata keçirdiyini deyib. Bakıda keçirilən Ümummilli lider Heydər Əliyevin xatirəsinə həsr olunan Qızıl Qran Pri turniri, Avropa Oyunları, Avropa və Dünya çempionatlarını xatırlayan DGB rəsmisi bu yarışlar haqda xoş təəssüratlarını bildirib: "Ümid edirəm ki, gələcəkdə Azərbaycanın ev sahibliyi edəcəyi bir çox böyük yarışlar izləyəcəyik. Çünki biz Azərbaycan Güləş Federasiyasının böyük təcrübəyə malik olduğunu bilirik".
