AZ
RU
“Qəbələ“nin rəqibləri bəlli oldu
Yanvarın 5-dən 29-dək Türkiyənin Antalya şəhərində təlim-məşq toplanışında olacaq “Qəbələ” futbol komandasının hazırlıq çərçivəsində qarşılaşacağı rəqiblərdən ikisinin adı müəyyənləşib
"Xeberinfo.com": Məlumata görə, klubdan bildiriblər ki, “Qəbələ”nin qardaş ölkədə ilk yoxlama oyunu yanvarın 10-da baş tutacaq. Sözügedən matçda “Qəbələ” PSV-nin (Hollandiya) ikinci komandası ilə üz-üzə gələcək.
Təmsilçimizin digər rəqibi isə “Vorskla” (Poltava, Ukrayna) olacaq. Həmin oyun yanvarın 17-də keçiriləcək.
“Qəbələ” bundan əlavə yanvarın 14, 22, 25 və 29-da sınaq matçlarına çıxacaq. Rəqiblərin adına yaxın günlərdə aydınlıq gələcək.
