AZ
RU
MANATA XƏRCLƏNƏN VƏSAİT 6 AYDA 3 MİLYARD DOLLARI KEÇDİ
Manatın kursunu sabit saxlamaq üçün hökumətin bu ilin ilk 6 ayında xərclədiyi vəsait 3 milyard ABŞ dollarını keçib.
Xeberinfo.com: Transparency.az bildirir ki, iyunun 30-da keçirilən valyuta hərracında Dövlət Neft Fondu 29 banka 50 milyon dollar satıb. Beləliklə, 2016-cı ildə milli valyutanın sabitliyinə sərf olunan vəsait 3 milyard 42,8 milyon dollara çatıb.
Dövlət Neft Fondunun 2016-cı ilin hərraclarında satdığı valyutanın həcmi 2 milyard 357,4 milyon dollardır. Mərkəzi Bankdan isə bu il 685,4 milyon dollar həcmində valyuta alınıb.
Ötən il Azərbaycan manatı iki dəfə devalvasiyaya uğrayıb və dollar qarşısında 78 qəpikdən 1 manat 55 qəpiyə qalxıb. Hazırda 100 ABŞ dolları 153 manat 94 qəpiyə satılır.
