AZ
RU
Fed hədəfinə yaxınlaşır: ABŞ-da inflyasiya gücləndi
ABŞ-da istehlakçı qiymətləri (inflyasiya) son beş ayın ən sürətli artımını qeyd edib.
Xeberinfo.com: ABŞ Əmək Nazirliyinin məlumatlarına görə, inflyasiya Sentyabrda 0.3%, illik 1.5% ilə proqnoza paralel artıb.
İnflyasiyada illik artım 2014-ci ilin Oktyabr ayından bəri ən yüksək artım olub. Bu göstəricilər Fedin inflyasiya hədəflərinə yaxınlaşdığına işarə edir.
İnflyasiya Avqustda 0.2 faiz artmışdı. Ərzaq və enerji qiymətləri xaric baza inflyasiya 0.1% artaraq 0.2%- lik gözləntidən aşağı çıxıb. İllik artım isə Sentyabrdakı 2.3%-dən 2.2%-ə geriləyib. Gözlənti 2.3% idi.
Mənzil xərclərindəki artım və neft qiymətlərinin düşməsinin dayanması ilə qiymətlər mərhələli olaraq yüksəlir. Faizləri ötən İlin Dekabr ayından bəri artırmayan Fed rəsmiləri üçün güclənən inflyasiya və güclü məşğulluq bazarı, il sonuna qədər faiz artırmaq üçün əsas yaradır.
Məlumatın açıqlanmasının ardınca Dollar qlobal birjalarda bahalaşmağa başlayıb.
(marja)
