AZ
RU
Maliyyə sektoruna sərmayə qoyuluşu 86,3% azalıb
Bu ilin yanvar-noyabr ayları ərzində Azərbaycan iqtisadiyyatına investisiya qoyuluşlarının 2,6 mln. manatı və ya 0,02%-i maliyyə və sığorta fəaliyyəti ilə bağlı olub.
Xeberinfo.com: Bu sahəyə investisiyaların həcmində ötən ilin müvafiq dövrü ilə müqayisədə azalma müşahidə olunub. Müqayisəli qiymətlərlə əvvəlki ilin müvafiq dövrünə nisbətən sərmayə qoyuluşunun həcmi 86,3% azalıb.
Xatırladaq ki, ötən ilin müvafiq dövründə bu sahəyə investisiyaların məcmu investisiya qoyuluşunda xüsusi çəkisi 0,14% təşkil edib.
Qeyd edək ki, 2016-cı ilin yanvar-noyabr aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 13 009,1 mln. manat və ya əvvəlki ilin müvafiq dövrü ilə müqayisədə 28,0% az vəsait yönəldilib. Ümumi sərmayənin 33,0%-i dövlət, 67,0%-i qeyri-dövlət sektorunun sərmayədarlarının payına düşüb. Daxili mənbələrdən əsas kapitala yönəldilmiş vəsaitin dəyəri ümumi sərmayənin 41,0%-ni təşkil edib. (Report)
