AZ
RU
Eldar Namazovun biznesi aşkarlandı-Ölkə xaricində
Yenixeber.org: “Azərbaycan Naminə” İctimai Forumunun prezidenti Eldar Namazov siyasətlə bərabər, həm də bizneslə məşğul imiş. Bu haqda araşdırmaçı jurnalist Cavanşir Həsənli yazır:
"Məlum olur ki, Eldar Namazov aktiv siyasi fəaliyyətə ara verdiyi illərdə sahibkarlıq fəaliyyətinə başlayıb.
Belə ki, 2016-cı ilin avqustunda cənab Namazov Batumidə AMİNA INCORPORATED LTD-ni qeydiyyatdan keçirib. Sənədlərdə qeyd olunur ki, şirkətin hüququ ünvanı Batumi, Apsaros III zolaq, ev 1, mənzil 5-dədir.
Şirkətin 50 faiz pay hüququ politoloqa, 50 faizi pay hüququ isə Lalə Əlibəyliyə aiddir.
Gürcüstan Ədliyyə Nazirliyinin Milli Qeydiyyat Agentliyində yer alan məlumatlara görə, şirkət qida sektorunda (heyvan yemlərinin istehsalı, emalı, topdan və pərakəndə satışı) fəaliyyət göstərir.
Eldar Namazov “Azərbaycan Naminə” İctimai Forumunun prezidentidir.
O, 1993 - 1999 - Azərbaycan Respublikası prezidentinin katibliyinin rəhbəri, prezidentin köməkçisi (xarici siyasət, daxili siyasət, milli təhlükəsizlik, mübahisələrin həll olunması, ictimai əlaqələr məsələləri üzrə) vəzifəsində çalışıb".
Redaksiyadan: Qarşı tərəfin cavab haqqını tanıyırıq.
