AZ
RU
"Azdram"da yeni dəyişikliklər gözlənilir -Mehriban Ələkbərzadə
Gələn mövsümdə Akademik Milli Dram Teatrında bizi yeniliklər gözləyir.
Yenixeber.org: Bunu Azərbaycan Dövlət Akademik Milli Dram Teatrının yeni bədii rəhbər təyin olunan tanınmış rejissor Mehriban Ələkbərzadə deyib.
“Hazırkı müddətdə teatrda olan prosesləri nəzarətimə götürürəm və teatrın işə yanaşma prinsipi ilə tanış oluram. Bu mərhələ yeniliklər etmək üçün tezdir. Gələn mövsümdə bizi yeniliklər gözləyir”, - o bildirib.
Mehriban Ələkbərzadə teatrda olan əskikliklərdən bəhs edib: “Uzun müddətdir truppanın bir çox artisti hansısa tamaşalarla məşğuldur. Teatrın gücünü yüksəldə biləcək quruluşlar verilməlidir. İlk növbədə truppa ayağa qaldırılmalıdır”.
