AZ
RU
Məşhur modelyer həbs edildi
Sosial şəbəkədə Türkiyə əleyhinə təhqiramiz ifadələrlə dolu görüntüləri yayımlanan məşhur modelyer Barbaros Şansal həbs olunub.
Xeberinfo.com: Xarici KİV-ə istinadən xəbərə görə, Türkiyənin məşhur modelyeri yeni il tətili üçün getdiyi Şimali Kipr Türk Cümhuriyyətində saxlanılaraq İstanbula göndərilib. Təyyarədə və Atatürk Hava limanında Türkiyə vətəndaşları ona hücum etməyə çalışıblar, lakin polis bunun qarşısını alıb.
Barbaros Şansal əvvəlcə xəstəxanada müayinədən keçirilib, oradan isə İstanbul Polis İdarəsinin Terrorla mübarizə şöbəsinə aparılıb.
Xatırladaq ki, 2005-ci ilin may ayında Lefkoşa aeroportunda Barbaros Şansalın üzərində narkotik aşkarlanmış və buna görə onun barəsində bir aylıq həbs qərarı qəbul olunmuşdu.
