“Xəzər” TV-də yayımlanan “Hər Şey Daxil” verilişinin bugünkü qonağı Xalq artisti Brilliant Dadaşova olub.  

Yenixeber.org:  Aparıcılar Tarix Əliyev və Sevil-Sevinc bacılarının suallarını cavablandıran sənətçi konsertdə küsülü həmkarı Aygün Kazımova ilə yaxın əyləşməsinə  münasibət bildirib:

“İnanmıram ki, təşkilatçılar özəlliklə belə xırda nüansları düşünüblər. Bilirsiniz, elə insanlar var ki, heç nədən mövzu yarada bilirlər. Bu barədə çox bacarıqsızam. Hətta olan şeyləri belə danışmağı bacarmıram. Bu, dəyərli jurnalistlərimizin işidir və qarışmaq istəmirəm”.

B.Dadaşova mərhum xalq artisti İlhamə Quliyevanın ona qruplaşma qurmaq təklifi etdiyini də bildirib:

“Yadımdadır ki, təyyarədən təzə düşmüşdüm. Tolik mənə zəng etdi ki, İlhamə xanım səninlə danışmaq istəyir. Bir xanım müğənni haqda söhbət etdik. Dedi ki, gəl, ona qarşı birləşək. Təbii ki, bu mövzuda onu dəstəkləmədim. Çünki qruplaşma yaradıb kiminsə əleyhinə hərəkət edə bilmərəm. Bu da İlhamə xanımın acığına gəlmişdi. Həmin hadisədən sonra mənə qarşı şər-böhtan atmağa başladı”.