AZ
RU
Flora Kərimova bu müğənniyə görə özündən çıxdı: “Təpik atıb, ayaq...” - Video
“Bir klassiki təhqir etmək, onun dahiliyini aşağılamaq hələ heç kimə nüfuz gətirməyib. Qızım, əgər hələ azərbaycanlılığınızdan çıxmamısınızsa, ağlınızı başınıza yığın”.
Yenixeber.org: Bu sözləri xalq artisti Flora Kərimova instaqram səhifəsində yazıb.
Son zamanlar sosial şəbəkələrdə tənqid olunan, özünü müğənni kimi təqdim edən Afət Fərmanqızının dahi şair İmadəddin Nəsiminin qəzəlini hind musiqisi ilə sintez etməsi və bayağı şəkildə ifası Kərimovanı özündən çıxarıb:
“Reytinq, qazanc, toy xətrinə sənəti, milli-mənəvi dəyəri bu qədər heç edib millətin zövqünə, fikir, fəlsəfə tarixinə və onun əsrlərdir qoruduğu poeziyasına, ədəbiyyatına, musiqisinə xələl gətirmək, təpik atıb ayaq oynatmaq, hörmətsizlik etmək olmaz.
Buna heç kimin ixtiyarı yoxdur! Dinləyicilərə isə bir tövsiyəm var: Övladlarım, pis mahnıya 2-ci dəfə qulaq asmayın. Çünki birdən o pis zövqə alışarsınız”.
