AZ
RU
Nazirlikdən Tərtərdəki özbaşınalıqla bağlı açıqlama
Mədəniyyət və Turizm Nazirliyinin informasiya və ictimaiyyətlə əlaqələr şöbəsinin müdiri Vüqar Şıxəmmədov Tərtər rayon uşaq musiqi məktəbinin direktoru Emin Haqverdiyev barədə yazılanlara cavab verib.
"Xeberinfo.com": Məlumata görə, şöbə müdiri Publika.az-a açıqlamasında bildirib ki, məsələ qarşıdakı həftə araşdırılacaq:
“Qeyd olunan yazı ilə bağlı artıq Mədəniyyət və Turizm Nazirliyində məlumat var. Faktların araşdırılması üçün gələn həftənin ilk günlərində nazirliyin komissiyası sözügedən müəssisəyə gedəcək və faktlari yerində araşdıracaq”.
Qeyd edək ki, aznews.az saytının yaydığı xəbərdə E.Haqverdiyevin ciddi cinayət tərkibli qanunsuzluqlara yol verdiyi, öz şəxsi marağı üçün musiqi məktəbində adları olan müəllimlərin bir çoxunun əməkhaqqı kartlarını özündə saxlayaraq, onların pullarını mənimsədiyi əks olunur. Həmçinin bildirilir ki, direktor bu vəzifəyə Müəllimlər İnstitutunun Qazax filialının verdiyi saxta diplomla gəlib.
