AZ
RU
Neftçalada məmurlar əlbəyaxa oldu
Neftçalada keçmiş bələdiyyə sədri döyülüb.
Xeberinfo.com: Bu barədə nuh.az saytı məlumat yayıb.
Şəhər icra nümayəndəsinin rəhbərinin həyat yoldaşı Əbdüləzim adlı şəxs keçmiş bələdiyyə sədri Ağayar Dadaşovu döyüb. Sayt yazır ki, şəhər icra nümayəndəsi olan xanımın həyat yoldaşı Əbdüləzim sahibkardır və rayonun mərkəzində məşhur "Çay evi"ni işlədir. Onun keçmiş bələdiyyə sədrinin döyməsinin səbəbi isə açıqlanmır.
Sayt yazır ki, cinayəti törədən şəxs həyat yoldaşının vəzifədə çalışmasından sui-istifadə edərək bu addımı atıb. Rayon hüquq mühafizə orqanları isə bu kriminal olayı ört-basdır ediblər və saytın olayla bağlı sorğusuna cavab verilməyib.
Məlumatda deyilir ki, rayon icra hakimiyyətinin başçısı İsmayıl Vəliyevin də olaydan xəbəri var. Məhz bu səbəbdən də olay gizlədilib.
