AZ
RU
Şəmkirdə tövlə uçdu:140 baş iribuynuzlu heyvan tələf oldu
Şəmkirdə fərdi təsərrüfatda saxlanılan 140 baş qoyun tələf olub. Xırdabuynuzlu heyvanlar tövlənin dağılması nəticəsində kütləvi şəkildə qırılıb. Ölən heyvanların xüsusi qazılmış çalalarda basdırılması baytarların nəzarəti altında aparılırMilli.Az xezerxeber.az-a istinadən bildirir ki, güclü yağışa dözməyən köhnə tövlə uçub. Həmin vaxt içəridə olan 299 qoyundan 140-ı dağıntılar altında qalaraq tələf olub.
Hadisə Şəmkirin Abbaslı kəndi yaxınlığındakı təsərrüfatda qeydə alınıb. Təsərrüfat sahibi Arzu Məmmədovun sözlərinə görə köhnə tövlənin torpaq damı 2 gün əvvəl başlayan güclü yağıntı nəticəsində ağırlaşıb və tikili yükə tab gətirə bilməyib.
Hadisə baş verdikdən sonra heyvanları dağıntılar altından çıxarmaq üçün qohum və qonşular köməyə gəlib.
Şəmkir rayon Baytarlıq İdarəsi isə vətəndaşların çağırışına müvafiq reaksiya verib və zəruri tədbirlər görülüb. Ərazidə dezinfeksiya işləri aparılıb, xəsarət alan heyvanlara yardım olunub.
Ölən heyvanların xüsusi qazılmış çalalarda basdırılması işləri də baytarların nəzarəti altında aparılır.
.jpg)
