AZ
RU
“Ermənistandan icazə almağa məcbur deyilik”
Çanaqqala tədbirlərini keçirmək üçün Ermənistandan icazə almağa məcbur deyilik.
"Xeberinfo.com": SalamNews-un “Akşam”a istinadla verdiyi xəbərə görə, bunu Türkiyə prezidenti Rəcəb Tayyib Ərdoğan Fransanın “France 24” xəbər kanalına verdiyi müsahibəsində bildirib.
Türkiyə ilə Ermənistan arasındakı problemlərlə bağlı ölkəsinin hər zaman müsbət addım atan tərəf olduğunu, Ermənistanın isə bu məsələdə heç bir müsbət addım atmadığını qeyd edən R.T.Ərdoğan deyib: “Biz sülh üçün hər zaman əlimizi uzatmışıq, lakin onlar əlimizi sıxmayıblar.”
Bu il Çanaqqala döyüşlərinin 100-cü ildönümünün qeyd edildiyini xatırladan Türkiyə lideri ölkəsindəki mərasimlərin Ermənistandakı mərasimlərlə bir əlaqəsi olmadığını vurğulayıb:“Tam əksinə, Ermənistan tədbirlərini Türkiyədəki tədbirlərə görə uyğunlaşdırıb. Bu tədbirləri keçirmək üçün Ermənistandan icazə almalı deyilik! Bu, tarixdə yer alan bir gündür.”
