Haqqında məcburi ifadəyə gətirilmək qərarı verilən Bilal Ərdoğan günlərdir itkin düşmüşdü. İddiaya görə, baş nazirin oğlu Bakıdakı “Qafqaz City” hotelində qalıb. 

    "xeberinfo.com": Dəyərli oxucularımıza da məlumdur ki, ötən ilin dekabrın 17-də Türkiyədə baş verən hadisələr barədə silsilə yazılar dərc etmişik. Həmin yazılarda Baş nazir R.T.Ərdoğanın oğlu Bilal Ərdoğan haqda da məlumat vermişdik. Hətta onu da qeyd edək ki, nazirin oğlunun Azərbaycanda olduğu xəbəri yayılmışdı. 

     Bu barədə yeni məlumatlar əldə etmişik. Məlumata görə, Türkiyənin baş naziri R.T.Ərdoğanın oğlu Bilal Ərdoğan Türkiyənin Artvin şəhərində gizlənib.Haqqında məcburən ifadəyə gətirilmə qərarı veriləndən sonra 2 yanvar tarixində Bilal Bakıya gələrək, “Qafqaz City” hotelində qalıb.

    “Qafqaz City” hotelinin qəbul-qeydiyyat şöbəsindən əldə etdiyimiz məlumatda bu xəbər öz təsdiqini tapdı. Şöbədən “burada idi, ancaq indi hal-hazırda hoteli tərk edib” - cavabı verildi. Bir neçə sualdan sonra hotel  idarəçisi, “xeyr, burada qalmayıb. Bakıda “Qafqaz” adlı başqa hotel də var, bəlkə, orada qalıb” - deyərək qeydiyyat şöbəsinin verdiyi məlumatı inkar edib.