AZ
RU
Çavuşoğlu -“Türkiyədə keçirilən görüşdə bəzi mövzularda ortaq razılaşmalar əldə edilib”
“Ukraynada atəşkəs rejiminin əldə edilməsi uzunmüddətli siyasi nizamlanmaya gətirib çıxaracaq”.
Yenixeber.org: Bu sözləri Türkiyənin xarici işlər naziri Mövlud Çavuşoğlu bu gün mətbuat nümayəndələri qarşısında İstanbulda baş tutan Ukrayna-Rusiya danışıqlar prosesini şərh edərkən söyləyib.
Türkiyə Xarici İşlər Nazirliyinin rəhbəri hesab edir ki, Rusiya Federasiyası ilə Ukrayna arasında danışıqlarda ən mühüm irəliləyiş bu gün İstanbulda əldə olunub.
“Bu gün Türkiyədə keçirilən görüşdə bəzi mövzularda ortaq razılaşmalar əldə edildi. Daha çətin məsələlərin üst səviyyələrdə müzakirə ediləcəyini düşünürük. Bundan sonrakı mərhələdə hər iki ölkənin XİN rəhbərləri bir araya gəlməli, razılaşmanın mətni hazır vəziyyətə gətirilməlidir. Növbəti mərhələ isə prezidentlərin görüşüdür”, - deyə Türkiyənin XİN başçısı bildirib.
