Rusiya ilə Ukraynaya arasındakı müharibə ilə əlaqədar Litva müdafiə xərclərini artırmaq məqsədilə yaxın gələcəkdə ABŞ və Almaniyanın hər birindən 2027-ci ilə qədər 1 milyard avrodan çox məbləğdə satınalma prosedurlarına başlanılması planlaşdırılır.

Yenixeber.org: Litva Müdafiə naziri Arvidas Anusauskas bildirib ki, bu ölkələrin hər birində 1 milyard avrodan çox məbləğdə silah almaq nəzərdə tutulub. 

Bildirilib ki, ABŞ və Almaniya silahların alınmasında əsas tərəfdaşlardır: “Son bir neçə ildə Litva ordusunun ABŞ-dan silah alışına xərclənən vəsait 0,5 milyard avro, Almaniyada isə demək olar ki, bir milyard avro təşkil edib.

“Strateji tərəfdaşlardan alınan texnika Litva Silahlı Qüvvələrinin modernləşdirilməsi üçün əsas özül təşkil edir: ordunun manevr qabiliyyəti və atəş gücü, hava hücumundan müdafiə və hava nəzarəti, tank əleyhinə döyüş imkanları, hərbi kəşfiyyat, maddi-texniki təminat, hərbi tibbi imkanlar gücləndirilir. Quru qoşunlarının manevr qabiliyyətini və atəş gücünü artırmaq üçün Litva ordusu Almaniyadan hərbi texnikalar və müxtəlif təyinatlı avadanlıqlar – “Vilkas” piyada döyüş maşınları, “PzH2000” özüyeriyən haubitsaların alınması istiqamətində layihə həyata keçirilir”,-nazir qeyd edib.

Məlumata görə, yaxın vaxtlarda Almaniyadan 10 tonluq yük maşınlarının alınması layihəsinə start veriləcək. Tank əleyhinə müdafiəni gücləndirmək üçün isə ABŞ-da 40 kilometrə qədər məsafədə düşmənin zirehli hərbi texnikasını məhv etməyə imkan verən “Switchblade” döyüş dron sistemləri alınacaq.

Həmçinin, ABŞ-dan əlavə olaraq “Javelin” orta mənzilli tank əleyhinə raket kompleksləri, yeni radar sistemləri alınacaq. Dörd universal “UH-60M” helikopteri, heləxə də zirehli avtomobillər və pilotsuz uçuş aparatları alınacaq.(pressklub)