AZ
RU
Molla rejiminə qarşı İsrail və ABŞ-ın birgə səyi gücləndiriləcək -Netanyahu
İsrail və ABŞ İrana qarşı səylərini artıracaq.
Yenixeber.org: İsrail və Birləşmiş Ştatlar Tehranın, nüvə silahı və onların çatdırılma vasitələrini almaması üçün İrana qarşı səylərini artıracaq. Bunu İsrailə səfərə gələn ABŞ dövlət katibi Entoni Blinkenlə görüşdən sonra keçirilən mətbuat konfransında İsrailin baş naziri Benyamin Netanyahu deyib.
“Düşünürəm ki, İran rejiminin nüvə silahı əldə etməməsi ilə bağlı ümumi konsensus var. Ortaq siyasətin işlənib hazırlanması və bu təhlükənin qarşısını almaq üçün birgə fəaliyyət göstərməyə çalışmaq barədə gözəl söhbətimiz oldu. Bizim siyasətimiz İranın nüvə silahı və onların çatdırılma vasitələrinə sahib olmasının qarşısını almaq məqsədilə İsrailin əlindən gələni etməkdir”, - deyə Netanyahu bildirib.
İsrailin baş naziri, həmçinin ərəb ölkələri ilə münasibətlərin normallaşması yolunda irəliləyiş gözlədiyini qeyd edib.
