AZ
RU
Aydın Mirzəzadə YAP-ın siyahısından danışdı
“Yeni Azərbaycan Partiyası münasib bildiyi vaxtda növbəti parlament seçkilərində iştirak edəcək namizədlərin siyahısını açıqlayacaq”.
"Xeberinfo.com": Məlumata görə, bu barədə azvision.az-a hakim partiyanın İcra Katibliyinin Siyasi Təhlil və Proqnozlaşdırma şöbəsinin müdiri, deputat Aydın Mirzəzadə deyib.
YAP rəsmisi bildirib ki, hər seçkidə olduğu kimi YAP-ın bu dəfəki siyahısı böyük marağa səbəb olacaq: “Partiyanın namizəd siyahısına göstərilən maraq Yeni Azərbaycan Partiyasının, onun sədri İlham Əliyevin ölkədəki böyük nüfuzundan xəbər verir. Eyni zamanda siyasi rəqiblərimizin partiyamızın namizəd siyahısını böyük səbrsizliklə gözləməsi Yeni Azərbaycan Partiyasının seçkilərdə böyük şansı olduğunu bununla bir daha göstərirlər”.
A. Mirzəzadə qeyd edib ki, YAP-ın siyahısında nüfuzlu ziyalılar yer alır.
