“Dünyanın ən böyük iqtisadiyyatına və ordusuna sahib olan ABŞ öz gücü ilə bir çox coğrafiyada varlığını hiss etdirir. Ancaq Yaxın Şərqdə bu varlıq günü-gündən azalır. Regionun dörd böyük ölkəsi Vaşinqtonun etibarını itirib”.

Yenixeber.org: Bu fikirlər ABŞ mərkəzli "Foreign Policy" (FP) nəşrinin "Amerikanın Yaxın Şərqinin sonu" başlıqlı təhlilində yer alıb.

FP bu 4 ölkənin Səudiyyə Ərəbistanı, İsrail, Türkiyə və Misir olduğunu vurğulayıb.

Bildirilir ki, Səudiyyə Ərəbistanı, İsrail, Türkiyə və Misir liderləri Vaşinqtonun əsas maraqlarına açıq-aşkar məhəl qoymadan öz yollarını cızırlar:

“Açıq desək, Amerikanın Yaxın Şərqdəki dörd ənənəvi sütunu indi etibar edilməyəcək qədər kritikdir. Dəyişən status-kvo da bu yaranan vəziyyətə təsir göstərir. Bir zamanlar ABŞ-la əlaqələri gücləndirən tarixi faktorlar da aradan qalxıb. Region ölkələri üçün təhlükə yaradan Sovet İttifaqı artıq mövcud deyil”.

Nəşr artıq bölgə üçün təhlükənin olmadığını vurğulayır:

“İsrailin baş naziri Benyamin Netanyahu, Məhəmməd bin Salman və Ərdoğanın Baydenlə müqayisədə Rusiya prezidenti Vladimir Putinlə daha isti şəxsi münasibəti var”.(musavat)