AZ
RU
Blinken İsrailə getməyəcək -SƏBƏB
ABŞ dövlət katibi Entoni Blinken İsrailə səfərini təxirə salıb.
Yenixeber.org: Məlumata görə, Blinkenin bu həftənin sonuna planlaşdırılan səfəri gələn həftənin əvvəlinə təxirə salınıb.
Blinkenin İsrailə səfərinin təxirə salınması yanvarın 2-si HƏMAS rəhbərliyinin üzvü Saleh əl-Arurinin Livanda öldürülməsi ilə bağlı deyil.
Xatırladaq ki, ötən ilin dekabr ayının sonunda “Axios” portalı öz mənbələrinə istinadən Entoni Blinkenin yanvarın ilk həftəsində İordan çayının qərb sahilinə, eləcə də İsrail, İordaniya, Səudiyyə Ərəbistanı, BƏƏ və Qətərə səfər etməsi, Qəzza zolağındakı münaqişənin həllini müzakirə etməyi planlaşdırması barədə məlumat yaymışdı.
Qeyd edək ki, bu, Blinkenin oktyabrın 7-si Yaxın Şərqdə vəziyyətin kəskin pisləşməsindən sonra İsrailə beşinci səfəri olacaq.(“The Times of Israel”)
