AZ
RU
Saakaşvilidən YENİ XƏBƏR:Partiyasını seçkilərə aparacaq
Gürcüstanın sabiq prezidenti Mixail Saakaşvili əsasını qoyduğu Vahid Milli Hərəkat Partiyasının seçkiqabağı kampaniyasında fəal iştirak etmək niyyətindədir.
Yenixeber.org: “Mən partiyamızın siyasi fəaliyyət komitəsinə rəhbərlik etmək niyyətindəyəm və qarşıdan gələn parlament seçkilərində mübarizənin önündə olmağa hazıram. Bu komitəyə partiya liderləri, eləcə də ictimai xadimlər daxil olacaq”, - Saakaşvili növbəti məhkəmə iclasına klinikadan onlayn qoşularkən deyib.
Saakaşvili bildirib ki, Ukrayna vətəndaşı olaraq qalır, buna baxmayaraq, onun seçki kampaniyasında iştirakına heç nə mane olmur:
“Çünki presedent də var, oliqarx Bidzina İvanişvili 2012-ci ildə Gürcüstanda keçirilən seçkilərdə başqa ölkənin vətəndaşı kimi iştirak edib”.
Qeyd edək ki, Gürcüstanda parlament seçkiləri 2024-cü il oktyabrın 26-da keçiriləcək.(“İnterfaks”)
