AZ
RU
Ohanyan diversantlarının öldürüldüyü əraziyə gəldi
Ermənistanın Müdafiə naziri Seyran Ohanyan Qazaxla üzbəüz yerləşən Tavuş vilayətinə gəlib.
"Xeberinfo.com": Məlumata görə, bu barədə məlumatı Ermənistanın Müdafiə Nazirliyinin Mətbuat Xidmətinin rəhbəri Arçrun Ovanisyan yayıb.
O, Seyran Ohanyanın Azərbaycanla sərhəddə yerləşən səngərdə olduğunu bildirib. Mətbuat katibi Seyran Ohanyanın Tavuşa səfərinin dünəndən başladığını söyləyib.
Qeyd edək ki, dünən Azərbaycan əsgərlərinin ələ keçirdiyi Karen Petrosyan da məhz bu əyalətin sakinidir. Azərbaycan Müdafiə Nazirliyi açıqlamasında bildirilir ki, sərhədi keçmək istəyən 4 diversant məhv edilib, Karen Petrosyan adlı təxribatçı isə ələ keçirilib. Onun telefonunun yaddaşından Azərbaycan Ordusuna aid silah-sursatın fotoları aşkarlanıb.
