1915-ci il hadisələriylə əlaqədar Hollandiya Nümayəndələr Məclisində aparılan və mətbuata da sızan müzakirələrlə əlaqədar bu ölkənin Ankaradakı səfirliyinin müşaviri Erik Veststrayt Türkiyə Xarici İşlər Nazirliyinə dəvət edilib

Yenixeber.org: Bu barədə Türkiyə XİN-in mətbuat katibi Hami Ağsoy bildirib.

Hollandiyalı siyasətçilərin erməni iddialarını dəstəkləyən layihələri qarşıdakı həftələrdə Nümayəndələr Məclisinə təqdim etməsinin gündəmdə olduğunu deyən Ağsoy Türkiyənin 1915-ci il hadisələri ilə bağlı mövqeyinin tarixi faktlara və hüquqi normalara söykənən olduğunu vurğulayıb: "Hollandiyalı siyasətçiləri Türkiyəyə yönəlik mövqelərini gözdən keçirməyə və tarixi siyasiləşdirməməyə çağırırıq. Hollandiya bu tarixi məsələnin həllinə qatılmaq istəyirsə, 2005-dən bu yana Türkiyənin israrla təklif etdiyi Ortaq Tarix Komissiyasının qurulmasına dəstək verə bilər. Hollandiyanın ölkəmizlə əlaqələrini normallaşdırmaq iradəsinin olub-olmadığı bu mövzu ilə bağlı mövqeyindən asılı olacaq. Bunu nazirliyə dəvət etdiyimiz Erik Veststraytın diqqətinə çatdırdıq".