AZ
RU
Polşada Amerika hərbi bazasının yaradılması Rusiya-NATO razılaşmasının pozulması hesab edilə bilər.
Yenixeber.org: Bu haqda “RİA-Novosti” agentliyinə Rusiyanın Xarici İşlər Nazirliyinin Ümumavropa əməkdaşlığı departamentinin direktoru Andrey Kelin bildirib.
Onun sözlərinə görə, razılaşma ilə ittifaq ölkələri yeni üzv ölkələrin ərazisində əlavə döyüş güclərini yerləşdirməmək barədə öhdəlik götürüb.
“Hər şey kontingentin ölçüsündən asılıdır. Amma bu, Rusiya-NATO razılaşmasının çox ciddi pozulması ola bilər. Hələlik heç bir qərar qəbul edilməyib, amma biz ABŞ və Polşaya xəbərdarlıq edirik”, - Kelin deyib.
Daha əvvəl Polşanın müdafiə nazirinin müavini Şatkovski Tomaş bildirib ki, ölkədə qurulacaq Amerika bazası Avropanın geosiyasi landşaftını dəyişdirə bilər. Varşava təşəbbüsün reallaşdırılması üçün Vaşinqtona 2 milyard dollardan çox təklif edib.
