AZ
RU
Deputatdan sərt çağırış
Deputat Fazil Mustafa Facebookda status yazaraq bir sıra şəxslərə sərt çağırış edib
"Xeberinfo.com": Deputatın statusunu təqdim edirik:
“Dəyərli dostlar! Bu həftə müddətində dostluğumda olub, mənə qarşı hörmətsizlik və ikiüzlülük etmiş şəxsləri araşdırıb dostluqdan çıxarmışam. Digərilərinə isə təklif edirəm ki, mənim dostluğumdan könüllü çıxsınlar. Xüsusilə də cəhalət cinahında yer alanlara, pərdəarxası kampaniyaların təşkilində iştirak edənlərə aiddir bu çağırış. Təhqir edən ləyaqətsizlərlə bağlı araşdırmamı da artıq yekunlaşdırıram. Onlarla bağlı da görüləcək tədbirləri dəqiqləşdirirəm. Hazırda çox sayda insanı yer dolu olduğuna görə dostluğa qəbul edə bilmirəm. Bu həm də onların dostluğa girməsinə şərait yaradar. Kimsə mənim fikirlərimi, görüşlərimi qəbul etməyə borclu deyil. Ancaq hansısa nadan sürüsünə görə də mən öz doğru görüşlərimdən imtina etməyə borclu deyiləm. Hər zamankından daha qətiyyətlə fikirlərimi ortaya qoyacağam, bu millətin gələcəyini diplomlu qaragüruhun ümidinə buraxmaq niyyətində deyiləm.
Əlimdə kompüter olmadığına görə status yazmaqda xeyli çətinliklər yaşadım, bəzilərinin təhqir, böhtan və təhriflərinə qarşı çevik reaksiya vermədim. İnşallah sabahdan bu problemi çözəcəyimə ümid edirəm”.
