Sabunçu rayonu, Ramana qəsəbəsində yerləşən “Appro Hospital”da ürəyinə stend qoyulan xəstə dünyasını dəyişib.

Yenixeber.org: Bu barədə sosial şəbəkədə jurnalist, mərhumun qohumu Həbibə Abdulla yazıb. O bildirib ki, sözügedən klinikaya gedən xəstənin bu günə qədər heç bir problem olmayıb və üstəlik ölüm halı ilə bağlı ailəyə çox gec məlumat verilib:

Ramanada “Appro Hospital” 56 yaşlı Rafiq Xəlilovu – indiyədək ürəyindən bir dəfə də şikayəti olmayan dağ kimi adamı öldürüb verib ailəsinə. Stend qoyublar guya… Yaxınlarına öldü-qaldısını da deməyiblər nə qədər müddət. Yoldaşımın əmisidir rəhmətə gedən.
1 saat xəstəxanada olduq, 5 ölüm halı haqda eşitdik. Xəstəxana deyil, qəssabxanadı elə bil. Mühafizəçiləri veriblər qabağa, xəstə (ölü) yiyələri ilə arada qan düşsə, cavab da verməyəcəklər”.

Məsələ ilə bağlı “Appro Hospital”la da əlaqə yaratmağa çalışdıq. Lakin davamlı cəhdlərimizə baxmayaraq, klinikadan zənglərimizə cavab verən olmadı.(Xalq.online)

Qarşı tərəfin də mövqeyini işıqlandırmağa hazırıq.