AZ
RU
Ramazan ayında məscidlərdən azan səslənəcək? - QMİ-dən AÇIQLAMA
“Koronavirus pandemiyası dövründə məscidlərdə azanın verilməsi ilə bağlı heç bir qadağa yoxdur”.
Yenixeber.org: Bu fikirləri Qafqaz Müsəlmanları İdarəsi (QMİ) Təşkilat şöbəsinin müdiri Əlirza Qafarov deyib.
QMİ rəsmisi bildirib ki, Ramazan ayının başlanması ilə əlaqədar da məscidlərdə azan veriləcək:
“Məscidlərimizdə azan dünən də verilib, bu gün də verilir, sabah da veriləcək. Azanla bağlı qadağa yoxdur”.
Qeyd edək ki, ölkəmizdə Ramazan ayı aprelin 25-dən başlayır.
Xatırladaq ki, Azərbaycanda koronavirus infeksiyasının törədə biləcəyi təhlükənin qarşısının alınması məqsədilə məscid və ziyarətgahlara giriş-çıxışa məhdudiyyətlər tətbiq edilib.
İddialara görə koronavirus pandemiyası səbəbindən məscidlərdə azan verilməsinə qadağa qoyulub.
