AZ
RU
MİQ üzrə 9 mindən artıq vakant yer var
Hazırda MİQ üzrə 9 mindən artıq vakant yer var.
Yenixeber.org: Bunu Təhsil İnstitutunun İnsan resursları mərkəzinin direktoru Nurlan İsmayılbəyli deyib.
Onun sözlərinə görə, hər müəllim vakansiya seçimində maksimum 8 yer seçə bilər. N. İsmayılbəyli bildirib ki, vakansiya seçimi əvvəlcə şəhid ailələrinə açıq olacaq.
“Vakansiya seçimində iştirak üçün minimum bal yaxın zamanda açıqlanacaq. MİQ-in təşkilində əsas məqsəd vakant yerlərin tam tutulmasıdır. Təəssüf ki, bəzi namizədlər test imtahanında uğur qazanıb, müsahibə mərhələsində iştirak etmirlər. Müəllim müsahibədə uğur qazansa da, iş yerindən imtina edir. Bu addım məktəbdə kadr ehtiyacının ödənməməsi deməkdir. Prosesdən 2 həftə əvvəl müəllimlərə dəvət məktubu göndərilir. Test imtahanında nəticə onları qane etməsə, vakansiya seçimində iştirak etməməklərini xahiş edirik. Əks halda, boş qalan vakant yeri bir illik müqavilə ilə daimi işləyən müəllimlə əvəz etmək məcburiyyətində qalırıq”,- qurum rəsmisi qeyd edib.
