AZ
RU
“Turan xanım”dan təhsil nazirinə sərt sözlər:Faşist... - Video
40 milyon Azərbaycan türkünün qırmızı xətti türk dili, Azərbaycanın qarış-qarış torpağı və onun milli kimliyidir.
Yenixeber.org: Bu sözləri Güney Azərbaycanın milli-mədəni fəalı, xanım Xədicə Hejəbri İran təhsil nazirinin irqçi açıqlaması haqda deyib. “Turan xanım” adı ilə tanınan fəal təhsil nazirinin qeyri-fars dillərinə qarşı irqçi açıqlamasına yaydığı bir video vasitəsi ilə cavab verib:
“Bizə bölücü və pantürkist deyirlər, lakin biz nə bölücü, nə də pantürkistik. Biz kimliyimizi tələb edirik. Övladlarımızın ana dilində təhsil almasını istəyirik. Mən buradan təhsil nazirinin faşistcəsinə verdiyi açıqlamanı qınayıram”.
Əlində 3 cild “Ana dili” kitabı tutan Xədicə Hejəbri sözlərini “Yaşasın Azərbaycan”, “Yaşasın ana dili” və “Yaşasın türk dili” şüarları ilə yekunlaşdırıb.
Qeyd edək ki, İranın Təhsil naziri Məhəmməd Bəthayi ölkənin təhsil müəssisələrində qeyri-fars dillərinin tədrisinin İran üçün təhlükəli olduğunu demişdi.
