Xarici məzun "əhəmiyyətsiz ixtisasa" görə universitetdən 60 min avro təzminat alıb

Yenixeber.org: Pok Uong adlı xarici məzun bitirdiyi universiteti "Mickey Mouse" diplomuna,  yəni "əhəmiyyətsiz ixtisası aldadıcı reklamla bəyəndirdiyinə" görə məhkəmyə verib. 

BBC-yə istinadən xəbə verir ki, o, həmin universitetdən 60 000 məbləğində avro (təxminən 78 000 dollar) təzminat alıb.

Məzun 2013-cü ildə Anglia Ruskin universitetini beynəlxalq biznes strategiyası üzrə bitirib. Lakin məzun iddia edib ki, universitet "karyerasının perspektivini şişirdib" və elə buna görə də universiteti məhkəməyə verib.

Universitetin sözçüsü bildirib ki, iddiaçı ilə razılıq universitetin sığorta şirkətinin vəkillərilə razılaşdırılıb, universitet isə bunu dəstəkləməyib.

Fiona adı ilə də tanınan Pok Uong iddiasında qeyd edib ki, universitetin bukletində yerləşdirilmiş məlumat düzgün olmayıb.
Məzun deyib ki, onlar elə bilir ki, xarici tələbələr bura bir parça kağız, diplom üçün pul ödəməyə gəlir:

"Lakin biz bura keyfiyyətli ixstisasa yiyələnmək, bilik almaq üçün gəlirik. Onlar bu universitetdə alınan ixtisasın əhəmiyyətini şişirdiblər, onlar əlaqələrinin əhatəliyini, öz nüfuzlarını şişirdiblər”.