AZ
RU
İlham Əliyev icra hakimiyyətləri ilə bağlı fərman imzalayıb
Prezident İlham Əliyev yerli icra hakimiyyəti orqanlarında vətəndaşların müraciətləri üzrə vahid elektron informasiya sisteminin yaradılması haqqında fərman imzalayıb.
"Xeberinfo.com": AzerTac xəbər verir ki, fərmana əsasən, yerli icra hakimiyyəti orqanlarında vətəndaşların müraciətləri üzrə vahid elektron informasiya sistemi (bundan sonra – informasiya sistemi) yaradılacaq.
Bundan başqa, fərmanda Prezident Administrasiyası Rabitə və Yüksək Texnologiyalar Nazirliyi ilə birlikdə vətəndaşların müraciətlərinin elektron qeydiyyatı proqramı əsasında informasiya sisteminin yaradılmasını və 2015-ci il iyulun 1-dək tətbiq olunmasını təmin etməsi göstərilir.
Yerli icra hakimiyyəti orqanlarına isə informasiya sisteminə daxil edilən məlumatların dəqiqliyinin, tamlığının və etibarlılığının təmin edilməsi üçün tədbirlər görmələri tapşırılıb.
