Bu ilin yanvar-aprel aylarında Azərbaycanda 85,4 milyon manat dəyərində maşın və avadanlıqlar, sair nəqliyyat vasitələri, avtomobil, qoşqu və yarımqoşquları istehsal edilib.

Yenixeber.org: Bu barədə Dövlət Statistika Komitəsi xəbər verir.

Məlumata görə, ötən ilin eyni dövrü ilə müqayisədə avtomobil, qoşqu və yarımqoşquların istehsal dəyəri 2,7 dəfə artıb.

4 ay ərzində ölkədə 508 ədəd və yaxud ötən ilin müvafiq dövrü ilə müqayisədə 164 ədəd və yaxud 24,4% az minik avtomobili istehsal olunub. Bunun 100 ədədi aprel ayının payına düşüb. Bununla belə, ay ərzində hazır məhsul ehtiyatı 121 ədəd və yaxud 45,3% azalaraq 146 ədədə düşüb.

Yanvar-apreldə Azərbaycanda həmçinin 162 ədəd və yaxud ötən ilin müvafiq dövrü ilə müqayisədə 54,3% çox traktor istehsal edilib. Bunun isə 72 ədədi aprel ayının payına düşüb. Bununla belə, ay ərzində hazır məhsul ehtiyatı 15 ədəd və yaxud 16,9% azalaraq 74 ədədə düşüb. Başqa sözlə, Azərbaycanda istehsal olunan nəqliyyat vasitələrinin satışı sürətlənib.