AZ
RU
Xalq rəssamı Tahir Salahov I Fəxri Xiyabanda dəfn edilib.
Yenixeber.org: Dəfn mərasimində dövlət və ictimaiyyət nümayəndələri iştirak edib. Dəfnə Mədəniyyət naziri Anar Kərimov da qatılıb.
Dünya şöhrətli rəssamın məzarına ölkə başçısı İlham Əliyev, Birinci Vitse-prezident Mehriban Əliyevanın, Mədəniyyət, Təhsil, İqtisadiyyat nazirlikləri, eləcə də Rəssamlar İttifaqının adından əklillər qoyulub.
Mərhum Xalq rəssamı böyük Azərbaycan alimi Lütfi Zadənin qəbrinin yanında torpağa tapşırılıb.
Yazıçı Natiq Rəsulzadə bildirib ki, biz Tahir Salahovun timsalında böyük sənətkarı itirdik: "Tahir Salahovun yeri hər zaman görünəcək. O, bizim dünyada tanınan böyük rəssamlarımızdan idi. Tahir müəllim rəssamlıq sənətinə möhrünü vurmuş sənətkarlarımızdandır. Allah rəhmət etsin".
Qeyd edək ki, Xalq rəssamı Tahir Salahov 92 yaşında Almaniyada dünyasını dəyişib.
