AZ
RU
Gürcüstan Patriarxlığının nümayəndə heyəti Azərbaycana səfər edəcək
Azərbaycan Gürcüstandakı səfiri Faiq Quliyev Gürcüstan Patriarxlığının nümayəndələri ilə görüşüb.
Yenixeber.org: Bu barədə yerli büromuza diplomatik nümayəndəlikdən məlumat verilib.
Görüşdə Bütün Gürcüstan Katalikos-Patriarxının xorepiskopu, mitropolit Teodor, Patriarxlığın Xarici əlaqələr şöbəsinin rəhbəri, mitropolit Gerasim və Tbilisi Ruhani Akademiyasının rektoru, protopresviter Georgi iştirak edib.
Qafqaz Müsəlmanları İdarəsinin Gürcüstan üzrə nümayəndəsi Hacı Əli Əliyevin də qatıldığı görüş zamanı Gürcüstan Patriarxlığının nümayəndə heyətinin bu yaxınlarda Azərbaycana gözlənilən səfəri ilə bağlı məsələlər müzakirə edilib.
Söhbət əsnasında həmçinin Azərbaycan və gürcü xalqları arasında tarixən formalaşmış mehriban qonşuluq, qardaşlıq münasibətləri xüsusi vurğulanıb, Gürcüstan Patriarxlığının nümayəndə heyətinin Azərbaycana planlaşdırılan səfərinin bu münasibətlərin yüksək səviyyəsinin bariz nümunəsi olması qeyd edilib.(report)
