AZ
RU
Ermənistanda vəzifəli şəxs tutuldu-İşçiləri Köçəryanı dəstəkləməyə məcbur edib
Ermənistanın Gorus şəhər Mədəniyyət Mərkəzinin direktoru təşviqata məcbur etməkdə günahlandırılaraq həbs edilib.
Yenixeber.org: Yerli KİV-lər bildirir ki, bu barədə Ermənistanın İstintaq Komitəsinin mətbuat xidməti məlumat yayıb.
Qeyd olunub ki, o, rəsmi vəzifəsindən istifadə edərək kitabxanaçı və mərkəzin digər işçilərini 7 iyun Gorusda ikinci prezident Robert Köçəryanın lideri olduğu “Ermənistan” blokunun seçki kampaniyasında iştiraka məcbur edib. Direktor əməkdaşlarının Nikol Paşinyanın rəhbərlik etdiyi “Vətəndaş razılaşması” partiyasının təşviqat kampaniyasında iştirakına qadağa qoyub, əks təqdirdə onları işindən qovmaqla hədələyib.
Toplanan kifayət qədər dəlillərə əsasən Mədəniyyət Mərkəzinin direktoruna təşviqata məcburetmə ya təşviqatdan imtinaya məcburetmə ilə bağlı cinayət işi açılıb. Onun barəsində həbs qətimkan tədbir seçilib.
İlkin istintaq davam edir.
