AZ
RU
Bu ölkənin yeni konstitusiyası olacaq
Əfqanıstanın yeni konstitusiyası olacaq, lakin “İslam Əmirliyi” yaradılması haqqında qərar hələlik qəbul edilməyib.
Yenixeber.org: Bu barədə “Taliban” hərəkatının nümayəndəsi Məhəmməd Naim bildirib.
Onun sözlərinə görə, hazırda ölkə fövqəladə vəziyyətdədir:
“Şübhəsiz, Əfqanıstanda yeni konstitusiya qəbul olunacaq. İndi xalqın ehtiyaclarını ödəmək, boşluğu dəf etmək, yalnız bundan sonra digər addımlar atmaq lazımdır. Lakin ümumilikdə yeni konstitusiya vacibdir”.
Xatırladaq ki, avqustun 15-də “Taliban” hərəkatı paytaxt Kabilə döyüşsüz daxil olaraq şəhəri tam nəzarətə götürüb.
