Bu ilin əvvəlindən Trans-Adriatik Qaz Boru Kəməri (TAP) ilə Avropaya nəql edilən Azərbaycan təbii qazının ixracı 5,5 milyard kubmetrə çatıb.

Yenixeber.org: Bu barədə Beynəlxalq Enerji Agentliyinin (IEA) hesabatında məlumat verilir.

Hesabatda deyilir ki, bu il TAP kəməri vasitəsi ilə 8 milyard kubmetrə yaxın təbii qazın nəqli proqnozlaşdırılır.

Həmçinin qeyd edilir ki, 2022-ci ildə bu boru kəməri ilə nəql ediləcək təbii qazın həcmi 10 milyard kubmetrə çatacaq.

Bundan başqa, hesabatda bildirilir ki, Azərbaycan təbii qazının ixracl illik müqayisədə 15 % artıb. Burada da əsas önəmli rolu Trand-Anadolu Qaz Boru Kəməri (TANAP) və TAP kəməri oynayıb.

Qeyd edək ki, TAP Xəzər dənizinin Azərbaycan sektorundakı nəhəng “Şahdəniz” yatağından təbii qazı Avropaya daşıyır. 878 km-lik boru kəməri Türkiyə-Yunanıstan sərhədində, Kipoidə Trans-Anadolu Boru Kəmərinə birləşir, Yunanıstan, Albaniya və Adriatik dənizindən keçərək İtaliyanın cənub sahillərinə çatır.

31 dekabr 2020-ci il tarixindən etibarən Avropaya tǝbii qaz axınının başladığı layihədə ilk gün TAP vasitǝsi ilǝ Avropaya 10,9 milyon kubmetr tǝbii qaz nəql edilib.