AZ
RU
Bu ölkədə Zəfər Günü münasibətilə avtoyürüş keçiriləcək
Azərbaycanın Qarabağda qazandığı böyük qələbənin birinci ildönümü - 8 Noyabr Zəfər Günü münasibətilə ABŞ-ın Nyu-York ştatında avtoyürüş keçiriləcək.
Yenixeber.org: Avtoyürüş Diasporla İş üzrə Dövlət Komitəsinin dəstəyi və Azərbaycan-Nyu-York Assosiasiyasının təşkilatçılığı ilə təşkil olunacaq. Yürüşdə Azərbaycan bayraqları ilə bəzədilmiş avtomobillər Nyu-Yorkun mərkəzi meydan və küçələrində dövrə vuracaq. Şəhərin Bruklin əyalətindən başlayacaq avtoyürüşün Manhattan adasında sona çatacağı planlaşdırılır. Avtoyürüşə Nyu-York polisi bələdçilik edəcək.
Aksiya iştirakçıları tarixi Bruklin körpüsündə “Yallı” rəqsi oynayacaqlar. Yürüşün sonunda Nyu-Yorkda turistlərin ən çox ziyarət etdiyi küçələrdən birində - “Wall Street”də yerləşən “Bowling Green” parkında nəhəng Azərbaycan bayrağı qaldırılacaq.
